الهاتف يرن يرن يرن يرن
مولود : ألو وي .. وين كنتي ؟ من الصباح و أنا نعيطلك ...
حنان :كنت نغسل في الماعن ...واشراك ؟
مولود: لاباس صافا ... واش تعشيتي ...؟
حنان: سكالوب ماريني و فخيت و حب الملوك ... و كخيم ديساغ ..و أنت واش تعشيت ؟
مولود: جاج محمر و قرعة حمود و كريم ديساغ ..حقا تفكرت أختك ولدت ؟
حنان: مازال عمري ..البارح داوها للسبيطار جات تولد راحت التريسيتي ..أيا غوبوغتي ..بالاك اليوم تولد
مولود: باين راسو كبير وليد اختك كيما راجل ختك زهير هههه
حنان: أيا سمع قادر روحك ...مولود متهدرش هك على فاميلتنا
مولود: واش بيك اتغششتي ؟ راني نقصر برك مكاش الي ايقصر معاكم ؟
حنان: لالا مولود ماشي قصرة هادي .. واش دخل راس راجل ختي في البيبي ؟
مولود: اسمعي غدوا نتلاقاو ؟
حنان: منقدرش مولود ..غدوة يجو خوالي يهنيولي على لاليسونس خلي في لافان تاع جانفي نروحو نحوسو
مولود: لافان تاع جانفي ؟علاش رايحين انديرو عمرة ؟
حنان :مولود و ضرك وقتاش تجي تخطب .. راني جبت لا ليسونس ؟
مولود: كي تجيبي الدوكتوراة عمري
حنان: أنت راك تتمسخر بي و أنا كرهت ..طرقك ما تخرجش و تكمل هك نحبس معاك
مولود: أيا أوكي حبسي من ضرك اتهلاي في روحك و تبقاي على خير
...طيط طيط طيط ازويط لقد انقطعت المكالمة
بعد نصف ساعة حنان تتصل ..زو مولود اوناتونت مع فتاة أخرى
و تستمر الحياة
و طبعنا من واقعنا العزيز