كل واحد ايخير رقم و ايشوف فالو 1* الناس تنده على الرجال و الوالي و أنا ننده بربي العالي 2*ذاك الحمام اللي محبوس في السجنة يعيا و يفرج ربي و نرجعوا خير من اللي كنا 3*أنا مجنون و أنت جنية وين نروح يديد في يديا ياللي يبغيلي الشر يبليه الله مياة بلية 4*غزالي قمري ديما ايضوي علينا أنا شمس اللي تشرق الصباح و تغرب لعشية يا رب سهل عليه و عليا 5*لي عطالو ربي من الذهب جبال ما تنحيهالو جيوش من الرجال و لي عطاه ربي الزين و خصال مايتبدل الدهر بدال يبقى كالذهب مهما حال 6* سبحان الله خالق السما و النجوم سبحان الله مسخر الجبال و علا الغيوم سبحان الله باع الشدة و ينحي علينا لهموم و يولي كل بعيد بشملو ملموم 7* امنت بالله و المنام رؤية من عند الله حمامة بيضا جات ترفرف عليا معاها حصان توقف بين يديا 8*و ين الطريق اللي فيها محبوبي جيبولي التراب من ثمة نشريه نعمله جعيبة في مكتوبي و اذا مرضو عينيا نكحل بيه حبيبي ما يسمح فيا و أنا ما نسمح فيه 9*بعثت دموعي في مشوار أزرق و نبعث كلامي في برية تحرق ما ننساكم يا ناسي بحق مكة و بلاطها لزرق 10*اللي راهو في بالها هو في بالك و اللي تبغيها راهي تموت على جالك و العدو باذن الله راهو هالك و اللي ايخاف ربي راهو سالك