hadile razane مراقبة العام
عدد المساهمات : 4078
| موضوع: قاطو البابيون الإثنين يوليو 29, 2013 11:52 pm | |
| السلام عليكم و رحمة الله تعالى و بركاته
لمقادير 250 غ مرقرين كاس سكر قلاصي و تخدميهم مليح تضيفي 2 بيضات شوية فاني و تزيدي تخلطيهم مليح و مبعد تنشفي بالفرينة و ديري 2 ولا 4 مغارف نشا و وحدة خميرة و تخلطي مليح و تخليهم لعجينة ترتاح شويا
لعجينة هيا عجينة الصابلي كل واحد و كيفاش يديرها كاين الي يديرها بصفار بيض برك و كاين الي يدير نشا و الي مايديرش يعني تقدري تعتمدي على عجينة الصابلي لي مجربتها انتي و موالفة ديريها و تجيك بنينة
و مبعد تجيبي السنيات الخاصة بالبابيون و ديري فيهم لعجينة و تخدميها بصبعك مليح في المول باش يعطيك شكل البابيون [ندعوك للتسجيل في المنتدى أو التعريف بنفسك لمعاينة هذه الصورة]ديري لعجينة و دخليهم يطيبو ماتخليهمش يحمارو بزاف
و كي يطيبو احشيهم باي حشو تحبي ....مثلا شيكولاة نتذوبيها في بان ماري وتزيديلها مغرفة و لا زوج حليب و مغرفة مارقرين و كي يذوبواديرلها نوازات محمرة و مرحية خشينة وتخلطيها مع الشيكولاة و تعمري بيها وتحطي وحدة فوق و حدة و لا اديري تاني حلوى الكابريس نذوبها في بان ماري حتان ذوب وتزيديلها شوي مرقرين و حليب قيس مغرفة و لا زوج برك و تعمري بيها و تقدري تاني ديري نيستلي طايب في لاكوكوط و كي يطيب ديريلو مغرفة نيسكافي تمد قو مليح و يجي كي الكاراميل بنين
هادو من بعد ماتعمريهم و ديري وحدة فوق وحدة و تخليهم ينشفو باش تلصق مليح و في النص ديري شوي كونفيتير و لا ناباج و ديري كوكاو و لا لوز مرحي شوي خشين في النص [ندعوك للتسجيل في المنتدى أو التعريف بنفسك لمعاينة هذه الصورة]و من بعد ديري شيكولاة تذوب في بان ماري و ديريلها شوي حليب و مرقرين مغرفة ولا زوج برك باش تجيك كحلة و تبري مليح و تقدري ديري قطرة زيت و لا ايلا عندك ناباج ديري في الشيكولاة باش تبقا تبري و من بعد ديريها في ساشي تاع سكر قلاصي فرغانة و لا ساشي تاع حليب و اثقبي ثقبة صغيرة و اطراسي لخطوط بالشيكولاطة [ندعوك للتسجيل في المنتدى أو التعريف بنفسك لمعاينة هذه الصورة] | |
|
تaسnيm عضو مميز
عدد المساهمات : 163 الموقع : هنا في المنتدى
| موضوع: رد: قاطو البابيون الأربعاء يوليو 31, 2013 6:27 pm | |
| | |
|