اخر كلام لكي

جرحتينى كالعادة
نستينى معنى السعادة
فاكرة نفسك ايه
ده انتى يا دوبا سجادة

تدوس الناس عليكى
والجزمة على راسك
تخونى اللى شاريكى
وتعشقى من خانك

بجد احترت فيكى
وفى قلة حياكى
انا كنت فعلا ليكى
لكن ده كان ماضى

امال لو كنتى حلوة
وكنتى ست الستات
دانتى ليا نكسة
وابوكى السقا مات

ما تخلينا فى سكات
ومنعيرش بعضينا
ياما عيرتينى ساعات
وياما عدينا

لكن ده كان زمان
ايام ما كنت حمار
وفاكرك ملاك طاهر
فرسة وعايزة حصان

طلعت عبيط واهبل
ومبعرفش اركب خيل
اعيش واموت فى ابو زعبل
ولا اعيش معاكى ساعتين

ده البخت مايل مايل
والله انا عارف
انا ياما كنت بحايل
وكنت عليكى خايف

لكن دلعك بايخ
والبواخة بوخت جمالك
يلي جمالك زايف
مالنا احنا بس ومالك

كدبتى عليا ماشى
وقلت عادى مفيش
وبكدبك بقيت راضى
محمد على درويش

هو انا نسيت اسمى
والله ليا الحق
ده اللى معاكى يمشى
يقول للفرح لاء

كل ده ولسه عايزانى
ارجع واحن من تانى
ولسه بتكدبى على الناس
قال ايه مش قادر ينسانى

طيب يا ستى نسيتك
عايزة ايه تانى
تحبى ابوص اديكى
وتقولى كارهانى

اخر كلامى ليكى
الحب ليه ناسو
وانتى خسارة فيكى
شربة من كاسو

اتمنى ترحمينى
وتقدرى احساسى
يلى شربتى الحب
كسرت انا كاسى
***
بقلمى
جمال البحراوى
شاعر مالوش حظ

انت بتتكلم مصري الله عليك
كويس كويس كويس كويس كويس الموزوع ده قميل قدا قدا

شكرا على الرد اخي الوسيم شكرا عاشقة
[ندعوك للتسجيل في المنتدى أو التعريف بنفسك لمعاينة هذه الصورة]

العفو عفريت ننتظر الجديد دائما