اليوم بغيت الاعضاء الكرام يقراو احد خواطري الي كتبتها من الواقع المرير الي رانا نعيشوا فيه للاسف
ان شاء الله تعجبكم وما تعكيواش عليها
نخليكم درك تقراو الخاطرة
....
....
....
....
امك حملاتك في بطنها تسع شهر
ايه داقت فيهم العداب المر
وقالت على التعاب انا نصبر
ولولدي انا ما نهجر
هو ظهري في هاد لعمر
بعد الشهور الطويلة جيت انت
و قالت يا فرحي و يا سعدي
خمس وخموس على ولدي
انا نسميه رشدي
كبراتك وحباتك ورجعاتك راجل
زوجاتك و دارتلك الفال
وبعد عامين قلت راني حاصل
مرتي ماهيش مرتاحة
لازم علي نخليها تشعر بالراحة
قالها:واش يحزنك يا زوجتي العزيزة
قالتلوا:مك وتقزقيزها
قال: يا مرتي هدي يما الي جابتني
هي الي بيك زوجتني
هي الي فرحتني
قالتلوا: ما عندي ما دخلني
منها لازم تخلصني
قالها: والله محال راهو عار
قالتلوا : يا انا يا مك في هاد الدار
بعد التخمام وكثرة الكلام
راح للام وقال :
يما يا الحنينة واشبيك حزينة
يلا معايا نروح انا وياك للجنينة
يلا يا يما يلا يا الزينة
قالت :حفظك ربي ولدي الوحيد
تخمم في ربي يخليك ديما سعيد
مشاو حتى ظلام الليل
قالها اقعدي ما تتحركيش
ولهاد الورقة ما ترميش
نروح لصاحبي ونوليلك
بعد دقيقة ودقيقتين
بعد ساعة وساعتين
في الجنينة ماكان حد
ولا خبر من الولد
فات راجل قالتلوا:ولدي الله يرضيك ماعليش نسقسيك؟؟
ولدي راح وخلا هاد الورقة وانا عليه راني مقلقة
الراجل قرا الورقة ودمعوا عينيه وقال:يلا يا خالتي يلا لدار العجزة
الام تصدمت وصلات على النبي وقالت يلا يلا يا بني
قعدت الام وحيدة حزينة مريضة وقالت :
ولدي ربيتو كبرتو خلاني اه يا كبري اه يا زماني
بعد عامين توفات الام وتهنات الزوجة من الهم والولد ما ولى يخمم
بصح ربي كبير :
الزوجة توفات في حادث سيارة
والابن مشلول يعاني المرارة
يعاني من كبر الخسارة
موت الام و الزوجة الغدارة
الأحد أغسطس 28, 2016 11:01 pm من طرف 
موضوع: خاطرة بقلم ملاك الروح 
