مشتاق وأصبحت أكره الغياب

أصبحت أكره الغياب
أول حروف بتكتب ايديني ..
أنا مشتاق لك
مشتاق لك كثر المطر ..
كبر البحر ..
كثر الحنين اللي ملا قلبي ..
أنا مشتاق لك
تذكر في آخر ملتقى وش قلت لي ؟
يومٍ شكيت انه غيابك لي عذاب
وان الليالي بدون نظراتك خراب
تذكر بربّك يومها وش قلت لي ؟
قلت لي يا زين عنـّك ما أغيب
شلون اعيش بدون شوفك يا لحبيب ..
اشتاق لك
ما لي صبر يومين وثالثهم عذاب
ما لي صبر حتى ولو ساعة غياب
بكل لحظة تمرّ في عمري ..
أنا اشتاق لك
إن مرّ يوم بدون شوفك ..
حدّني اشتاق لك
حتى ولو ساعة تمر وما تمر ..
اشتاق لك
تصدقي ؟
حتى وأنا قبالك وأنا عيني عليك ..
اشتاق لك
من يومها كان العذاب
صارت حياتي مُرّ وأحلامي سراب
وأصبحت أكره الغياب