السلام عليكم ورحمة الله وبركاته
أغبى 8 أسئلة في العالم
طبعا هذا موضوع منقول
1- يصوني عليك صاحبك في الهاتف الثابت ديال الدار يسألك: فينك ؟؟؟
- فين غادي نكون ؟ في السوق وجار معايا السلك ديال التيليفون !!!!
2- يشوفوك خارج من الدوش سارد ويسولوك. دوشتي ؟؟؟
- لا، خارج من البحر !!!!
3- واقف قدام الأسانسير في الطابق الأرضي ويسألك أحدهم: طالع الفوق ؟؟؟
- لا، تنتسنى الشقة تنزل لعندي !!!!
4- تكون في الكابينا (Les Toilettes) ويسولوك: آش تادير ؟؟؟
- آش غادي نكون تاندير ... تلعب بلايستايشن !!!
5- بحرا درتي كسيدا، وطوموبيلتك مفرشخة، وأنتا خارج منها دايخ، ويسولوك: درتي كسيدا ؟؟؟
- لا، غير بدلت الديكور ديال الطوموبيل !!!
6- يشوفوك تتعطش وتتكحب ونيوفك تايجريو بالخناين، ويسولوك: واش مريض ؟؟؟
- لا تنستهبل !!!
7- ناعس فوق الفراش ديالك، او ساد عينيك، وتقدر تكون تتشخر، ويسولوك: واش نتا ناعس ؟
- لا، تنحاول نجرب الموت !!!
8- خارج من الجامع بعد صلاة الجمعة، ويسولوك: واش كملتوا الصلاة ؟؟؟
- لا، الإمام ديال المسجد خرجنا فسحة !!!
و
السلام عليكم ورحمة الله وبركاته