كل واحدة تشوف بوقالة الشهر نتاعها و تنسخها في تعليق :
.
.
.
شهرجانفي :
اسمعني يا حمام . طير لا ترتاح . وانزل فوق السطح العالي . وفوق شجر التفاح . روح لحبيبتي بنت الناس الملاح . قولها القلب حصل عندك وما لقيتلو *****.
شهر فيفري :
في الليل نحلم بيك و خليت مالي وشغلي كله بين ايديك و مالقيتش اللي يجيك و يبلغ سلامي ليك و يكون قلبو كيف قلبي عليك.
شهر مارس :
حرموني من نعاسي ولا حد داري بيا..غير وحدي صابر ونقاسي..ودموعي طاحت عليا
طول ليلي نستنى الشمس تظهر وتبان..يرجع الحبيب ونهنى وتعود ايام زمان..الشكوى للعالي ربي خالق الكون..هولي يصلحلي حالي من غيرو كلشي يهون.
شهر أفريل :
يا لي زينك غواني...علاش بالهجر..و انا نويتك حلالي...درتك وردة في جناني...و قلت من غيرك انت حد ما يحلالي...انشاء الله نفرح بيك....و نجعلك زوجتي علي سنة الله و رسوله و نقيم معال لفراح فسبع ليالي.
شهر ماي :
الوردة يا الوردة صيفتك تبهر و ريحتك تعطر...ندخل لجنانك نخطفك و أنا بالبرنوس مستر
...نديرك في بستاني و نكون خديمك طول زماني.
شهر جوان :
أنا لي منكم وماني منكم وضحيت براني وأنا ألي كنت في الصف الأول أصبحت التالي يا قاسحين القلوب سقسوا جيراني الذل ما نحملوش والعز رباني.
شهر جويلية :
كيما تتلاقى لاحباب بحبابها من بعد سنين
من بعد رضاك لابد رضا لوالدين
ولي نتمناه العشرة والمحبة تدوم عوام وسنين.
شهر أوت :
حبيتك و الحب حنانة .. حبيتك و الحب ماهوش خيانة .. ابغيتك و الحب أمانة .. حبيتك و نحبك و نقعد نحبك شنانة .. و شنانة حبيتك ..أنت هو حبيبي اللي خيرتو أنا.
شهر سبتمبر :
الشمعة يا لشمعة يا الشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعايا يرجع لي زهو الزمان ويعيا الحبيب قاعد معايا .
شهر أكتوبر :
قاعدين في الجنان بين الفل والياسمين قاللها أنا نويتك حلال ليا يا لبنية قاتلوا اذا كان هكذا روح شوف خاوتي و والديا .
شهر نوفمبر :
مشيت مشيت حتى عيت جربت مع مليح والدوني بصح مازال مالقيت اللي يولمني يحمل طبايعي... فرج ياربي وابعث لي اللي تمنيتوا.
شهر ديسمبر :
العقل يفكر فيك .. ..والقلب متعلق بيك اتمنيت او حبيت ان دير امعاك البيت وان شاء الله غير انت الي نديك .. و طول حياتي نتهلا فيك...