[ندعوك للتسجيل في المنتدى أو التعريف بنفسك لمعاينة هذه الصورة] المقادير: العجينة :*3 كيسان فرينة
*نص كيلة مارغرين
*قرصة ملح
*فاني
*ماء الزهر
*ملون
الحشو: *3 كيسان لوز و لا كاوكاو مرحي
*كيلة سكر قلاصي
*قشور حبة قارص
* بياض البيض
طريقة التحضير: العجينة:*تخلطي المرغرين مليح مع قرصة ملح و شوي فاني و الفرينة و تلمي بماء الزهر و اعجنيها شوية
*قسمي العجينة و لونيها بأي لون تحبيه و تقدري تلوني قبل ما تزيدي ماء الزهر ديري الصبغة
ومنبعداعجني بالماء الزهر باش تتصبغلك مليح
*غطيها ببلاستيك و خليها ترتاح 30د
الحشو:*ديري 3 كيسان من اللوز أو كاوكاو و زيدي سكر قلاصي و قشور القارص و لمي ببياض البيض
*اتركي الخليط يتشرب شوي و مبعد ديري كويرات يكونوا قد بعضاهم
و الان نتركك مع الصور لكي تفهمي جيدا
[ندعوك للتسجيل في المنتدى أو التعريف بنفسك لمعاينة هذه الصورة]و هكذا تغطي و تنزعوا العجينة الزائدة
[ندعوك للتسجيل في المنتدى أو التعريف بنفسك لمعاينة هذه الصورة]نعملوا الورد من العجينة الملونة نديروا وردات كبار و وردات صغار نديروا 5 وردات ملونين و 5 بيضاء و تكون شوية أكبر من الخضراء
[ندعوك للتسجيل في المنتدى أو التعريف بنفسك لمعاينة هذه الصورة]و مبعد ديري فوق بعضاهم و اعكسي كي تحطي لملون في الفراغات الي بين الورقات
و في البيضة باش تجيك جهة البيضاء جهة ملونة شوفو الصورة ذرك تفهموا واش قصدت
[ندعوك للتسجيل في المنتدى أو التعريف بنفسك لمعاينة هذه الصورة]مبعد تجيبي الكويرات تغطسيهم كامل في بياض البيض تبداي تلصقي الوردات كامل لكل حبة 5 وردات ديري 4 على الجوانب ووحدة من فوق و تكملي باقي الوردات
[ندعوك للتسجيل في المنتدى أو التعريف بنفسك لمعاينة هذه الصورة]و في كل وردة في النص نرشقو حبة فضية و مبعد طيبي الحلوة و كي تكمل عسليها و قطريها مليح من العسل و قدميها في لكيسات
[ندعوك للتسجيل في المنتدى أو التعريف بنفسك لمعاينة هذه الصورة] بالصحة و العافية